PREMIADOS NOS REC CURTA 2019!!!
Grande éxito do Divino Maestro de Lugo no concurso de curtametraxes organizado por Escolas Católicas de Galicia, entidade que agrupa a 116 colexios.
O noso centro vén de acadar ata 5 premios nesta edición, a primeira na que nos decidimos a participar. Destacamos o 1°premio para Candela González pola súa música orixinal, o premio á maior implicación grupal, o premio ao mellor tratamento dos valores, ou a mención especial para a curta "O diario".
Foi moi emocionante ver aos nosos campións de 3° da ESO subir recoller tantos galardóns e non puidemos deixar de sorrir ante a tremenda sorpresa que levou a directora cando a chamaron para recoller o primeiro premio importante da tarde.
Cómpre agradecerlle ao alumnado o seu esforzo e bo facer, dar as grazas ás nais e pais que xenerosamente nos acompañaron á entrega de premios en Compostela e a todos os profes que colaboraron neste proxecto. O importante é participar, sen dúbida, pero ás veces tamén está ben gañar: dános azos para seguir! Parabéns aos gañadores e a todos os participantes! #redcurta
