Segundo a orgánica Ley Orgánica 2/2006, de 3 de mayo, de Educación. de
educación a finalidade da Educación Primaria é proporcionar a todos os nenos e
nenas unha educación que lles permita afianzar o seu desenvolvemento persoal e
o seu propio benestar, adquirir as habilidades culturais básicas relativas a
expresión e a comprensión oral, á lectura, á escritura e ao
cálculo...favorecendo a capacidade de poñer en práctica de forma integrada, en
contextos e situacións diversas, os coñecementos, as habilidades, e as
actitudes persoais adquiridas; indo máis alá do saber e do saber facer,
incluíndo o saber ser ou estar.
No colexio Divino Maestro de Lugo perseguimos
unha metodoloxía participativa e motivadora consecuente coas competencias e
obxectivos académicos e educativos que se propoñen, capaz de dar unha resposta
axeitada á diversidade dos nosos alumnos/as.
Queremos “ensinar a pensar”. Facer análise
da realidade cultivando o silencio e potenciando a escoita, a través do esforzo
e a reflexión. Asimesmo intentaremos educar dende os valores do Evanxeo.
Empréganse as novas tecnoloxías para a
ampliación de coñecementos. Nelas estamos implicados o profesorado, como parte
da nosa formación permanente.
Tamén queremos estar sempre atentos ás
novas necesidades que se presenten, atendendo ás familias e traballando
conxuntamente con elas.