Plan Covid simplificado

PLAN DE ADAPTACIÓN Á SITUACIÓN COVID 19 NO CURSO 2020-21

PROTOCOLO SIMPLIFICADO

Esta non é a versión definitiva nin completa. Son algúns dos datos que cómpre ir coñecendo para irse organizando. En breve colgaremos na web a versión definitiva

Todas as medidas que seguen a continuación xiran ao redor de catro eixos:

-      Distanciamento Social.

-      Hixiene.

-      Ventilación.

-      Uso da máscara.

MEDIDAS DE PREVENCIÓN BÁSICA

-Nos días previos ao inicio de curso realizarase unha limpeza e desinfección xeral do centro e do mobiliario.

- Buscaremos que toda a comunidade educativa interiorice as seguintes medidas:

-  Evitar tocar ollos, nariz e a boca.

- Manter a distancia física recomendada (1’5 m.)

- Usar sempre a máscara de xeito correcto.

-Hixiene de mans frecuente e meticulosa , con auga e xabón ou xel hidroalcohólico, cando menos 5 veces ao longo da xornada (obrigatoriamente na entrada e saída do centro, antes e despois do recreo, antes e despois de comer e despois de ir ao aseo.

-Ventilar frecuentemente as estancias onde nos atopamos.

-Habilitaranse dispensadores de solución hidroalcohólica na entrada, nas aulas e en todos os espazos comúns.

-Garántese a existencia de xabón e papel para secar as mans en todos os aseos do centro.

- Extremarase a orde no posto de cadaquén e non se poderá compartir o material propio con ninguén  (e isto é válido para alumnado e para o profesorado).

-Desaconséllase o uso de luvas (aínda que son obrigatorias para o persoal de limpeza).

-Evitaranse aquelas actividades no centro educativo que supoñan a mestura de alumnado de diferentes grupos de convivencia ou clases, así coma as que esixan unha especial proximidade.

-Suspéndense todas as saídas, visitas complementarias, excursións... mentres dure a actual situación sanitaria.

GRUPOS ESTABLES DE CONVIVENCIA

Todos os cursos do centro conformarán grupos de convivencia estable (grupos burbulla), onde o único contacto, ademais dos membros do mesmo grupo, será cos profesores que imparten as distintas materias e que teñen que desprazarse a diferentes aulas.

Os diversos grupos non terán contacto entre si ao longo do tempo lectivo, nin nas entradas e saídas. Cando compartan patio nos recreos, farano cunha distancia de 2 metros entre grupos, que non se mesturarán en ningún caso.

MEDIDAS ESPECÍFICAS PARA OS GRUPOS ESTABLES DE CONVIVENCIA

-          Cada curso forma una “burbulla” respecto a outros cursos, polo que non se aplican criterios de limitación de distancia. Aínda así intentaremos sempre manter as distancias entre o alumnado do propio grupo; mesmo nos tempos de recreo impediranse –na medida do posible- as aglomeracións e formación de grupos numerosos no seo do mesmo curso.

-          Distancia entre postos escolares: a máxima que permita a aula

-          Non se permiten xogos de balón nos recreos.

-          O profesorado especialista que entra en varias aulas intentará manter a distancia mínima de 2 metros co alumnado, evitando, se é posible, calquera tipo de contacto.

¿COMO FALAMOS?

CANLES DE COMUNICACIÓN

-          A principal vía de comunicación entre todos os membros da comunidade educativa será a telefónica. Poderase contactar co centro no teléfono habitual (982 216844) no horario en que permanece aberto ou tamén no móbil (679 035728).

-          Tokapp: de maneira voluntaria, os pais que o soliciten poderán subscribirse a esta app, que terá un custo anual de 3 euros. Quen non o desexe recibirá as comunicacións coma sempre, por teléfono, por escrito, correo ordinario e demais. (pendente de aprobación)

-          ABALAR MÓBIL: A través desta aplicación comunicaremos as faltas de asistencia e conduta. Cómpre instalalo no móbil dende o Play Store (Android) ou AppleStore (IOS)

-          Correo electrónico: os pais que o soliciten recibirán comunicacións por correo electrónico desde un perfil creado, quer polo centro, quer por cada profesor, especificamente para esta finalidade.

HABERÁ TITORÍAS?

As titorías desenvolveranse preferentemente por vía telefónica ou telemática os martes de 16:00 a 17:00 h. Fóra dese horario, poderase levar a cabo, polas mesmas canles, previo acordo entre titores e proxenitores.

Excepcionalmente, poderá ser presencial os martes de 16:15 a 16:55. Fóra deste horario haberá que solicitar autorización á dirección.

Para acudir ao centro será preciso ter cita previa acordada co titor/a. Estas reunións faranse sempre a porta aberta e con ventilación cruzada, quedando unha marxe de 5 minutos para ventilación e desinfección entre os diferentes usuarios, polo que terán que ser con un horario estipulado que non se poderá sobrepasar.

COMO SE SENTAN OS NENOS/AS NA AULA?

Optarase sempre pola maior distancia posible que as dimensións da aula permitan. En todo caso, o alumnado estará todo orientado nun mesmo sentido mirando cara a dirección do profesor. 

En Secundaria os postos escolares manterán unha distancia de 1’5 metros, medidos desde o centro da cadeira, respecto de todos os postos que o rodeen.

PODEN IR AO BAÑO?

USO DO ASEO

-          Os aseos só poderán ser usados de un en un. Non pode haber, xa que logo, dous usuarios dentro dos baños ao mesmo tempo.

-          O acceso ao baño estará regulado por un semáforo (verde = podes pasar; vermello = agarda). Antes de saír da aula o neno ou nena (ou o profesor) observarán se hai alguén agardando para entrar. Se é así, agardará na porta da aula. Procurarase que no haxa máis dun alumno agardando na porta do baño (na marca que se dispoña).

-          Durante os recreos haberá un profesor encargado da vixilancia de cada un dos baños do patio e rexen as mesmas normas que nos demais baños do centro.

USO DA MÁSCARA NO CENTRO

A máscara será de uso obrigatorio para toda persoa presente no centro, agás naqueles casos onde se dispoña dun certificado médico que indique a imposibilidade de usala. Non se permitirá a entrada ao centro a ninguén que non a leve posta.

Será obriga do alumnado levar unha segunda máscara de recambio, así coma un estoxo específico para gardala en caso necesario.

No caso do alumnado de Infantil, a máscara non é obrigatoria, pero si altamente recomendable. Para o alumnado de 3 anos (4º curso de Ed. Infantil) quedará a criterio do profesor se a máscara é tolerada ou non polos nenos.

En todo caso, a imposibilidade de usar a máscara, que deberá ser acreditada por un pediatra ou outro facultativo, non será motivo de falta de asistencia ao colexio.

O uso das viseiras protectoras facilitadas pola ANPA para todo o persoal do centro será de uso voluntario.

VENTILACIÓNS DAS AULAS

As portas das aulas permanecerán sempre abertas, polo que non procede anotar o momento de ventilación. Abriranse as ventás para favorecer a ventilación cruzada sempre que sexa posible e as condicións climáticas o permitan. Aínda así, as ventás permanecerán abertas, como mínimo, 15 minutos ao inicio da xornada, durante os recreos e ao finalizar as clases e, sempre que sexa posible, entre clases.

As ventás, ao igual que as persianas ou as portas só poden ser manipuladas polo profesor/a.

XESTIÓN DOS RESIDUOS

-          Colocaranse papeleiras con bolsa protexidas con tapa e accionadas por pedal en todas as aulas, onde se depositará todo o material de hixiene persoal que se desbote.

-          Igualmente colocarase unha papeleira en cada zona de recreo delimitada.

-          As papeleiras serán baleiradas e desinfectadas diariamente.

E SE HAI UN CONTAXIO... QUE FACEMOS?

SOSPEITA DE CONTAXIO / CONFIRMACIÓN DIAGNÓSTICO NO FOGAR:

1.      Non asistirán ao centro aqueles estudantes, docentes ou outros profesionais que teñan síntomas compatibles con COVID-19  ou en período de corentena por contacto con persoa diagnosticada. Comunicación inmediata ao Colexio.

2.      Se hai sospeita de contaxio, a familia solicitará consulta co seu pediatra. Se non hai cita, acudirá ao PAC. No caso de confirmación de diagnóstico, avisará inmediatamente ao Colexio. Tampouco acudirán ao centro as persoas en espera de resultado de PCR por sospeita clínica.

SOSPEITA DE CONTAXIO DURANTE A XORNADA ESCOLAR

3.      Se unha persoa desenvolve síntomas compatibles con COVID-19 ao longo da xornada:

-          Levarase ao Espazo Covid e permanecerá acompañado, a ser posible por un membro do EuipoCovid.

-          Colocaráselle unha máscara cirúrxica (tamén ao coidador)

-          Contactarase coa familia (se é un alumno)

-          Chamarase ao Centro de Saúde de referencia ou teléfono do SERGAS / 061 .

4.      A familia informará ao Centro inmediatamente ao coñecer o resultado das probas diagnósticas.

MEDIDAS DE CARÁCTER ORGANIZATIVO

As medidas de carácter organizativo teñen como obxectivo:

1.      Reducir ao máximo a mobilidade do alumnado.

2.      Manter a distancia de seguridade (mínimo 1’5 m / 1 m no pupitre).

3.      Extremar as medidas de hixiene e protección.

4.      Crear grupos burbulla de alumnado sen contacto entre si.

Para acadar estes obxectivos tomamos as seguintes medidas organizativas:

ENTRADAS E SAÍDAS: ORGANIZACIÓN / HORARIOS / ACOMPAÑANTES

Mentres dure a situación sanitaria actual, as familias NON PODERÁN ACCEDER NIN PERMANECER no interior das instalacións, agás aqueles que sexan requiridos por algún membro do equipo educativo. Os pais de alumnos de Ed. Infantil si poden achegar os seus fillos á porta de Infantil do patio (un único proxenitor por neno).

PUNTUALIDADE: É fundamental para evitar aglomeracións e contactos, tendo en conta que as familias deixarán aos alumnos na porta, onde haberá un CONTROLe se comprobará:

-          Uso correcto da máscara

-          Control de temperatura

-          Hixiene de mans con xel hidroalcohólico

-          Limpeza e desinfección de calzado

De seguido, o alumnado dirixirase á súa aula, gardando a distancia de seguridade.

As entradas ao centro serán GRADUADAS no tempo e efectuaranse por diversos puntos segundo se detalla a continuación (horas e puntos de acceso):

ED. INFANTIL

Entran e saen pola porta SUR, a máis próxima ás súas aulas. Os nenos, acompañados dun único proxenitor, e circulando sempre pola dereita, chegarán á porta, onde un profesional do centro (Diego Eiras) efectuará o control e o dirixirá á súa aula, onde o recibirá a profesora na porta ou no corredor interior.

Á saída, repetirase o mesmo proceso, entregando a titora os nenos un por un. É importante que o proxenitor acompañante respecte a distancia de seguridade.

5 anos (6º Ed. Infantil)

Entrada: 9:00       Saída: 13:55

4 anos (5º Ed. Infantil)

Entrada: 9:10       Saída: 13:45

3 anos (4º Ed. Infantil)

Entrada: 9:20       Saída: 13: 35

ED. PRIMARIA

Porta NORTE.  Entran dous cursos simultaneamente: un pola porta da ESO e outro pola porta do PATIO, segundo se indica.

ENTRADAS

6º Primaria: 9:00 Porta ESO

5º Primaria: 9:10 Porta ESO

4º Primaria: 9:00 Porta Patio

3º Primaria: 9:10 Porta Patio

2º Primaria: 9:20 Porta Patio

1º Primaria: 9:20 Porta ESO

SAÍDAS

Todo o alumnado baixa pola porta da ESO. Ata 4º de Primaria a entrega é individual. Os pais van facendo cola na porta Norte (principal) e o titor/a vai entregando o alumno, que tamén permanecerá en orde gardando as distancias de seguridade nos puntos sinalados.

1º Primaria: 13:40

2º Primaria: 13:45

3º Primaria: 13:50

4º Primaria: 13:55

5º Primaria: 14:00

6º Primaria: 14:00

En 5º e 6º o alumnado sae gardando a distancia de seguridade. Non hai entrega directa aos proxenitores.

ESO

ENTRADAS 1º ESO: 8:35 Porta ESO 2º ESO: 8:30 Porta ESO 3º ESO: 8:35 Porta Patio 4º ESO: 8:30 Porta Patio

SAÍDAS 1º ESO: 2:20 2º ESO: 2:25 3º ESO: 2:20 4º ESO: 2:25

Luns pola tarde: utilizan as mesmas entradas e saídas que polas mañás con este horario:

-          1º / 3º ESO: 16:05 – 17:50

-          2º / 4º ESO: 16:00 – 17:45

As portas abriranse ás 8:25 e xa poden ir entrando tras tomar a temperatura, comprobar máscara e botar o xel hidroalcohólico.

 

CIRCULACIÓNS NO CENTRO EDUCATIVO

Os corredores e escaleiras estarán divididos con marcas no chan que permitirán regular a circulación, efectuándose esta sempre pola dereita, agás cando entren dous grupos simultaneamente: na porta principal –que se abrirá por completo- entrarán tan separados como poidan. Os que soben pola porta da ESO entran pola dereita e mantéñense á dereita na subida. Os que acceden pola porta do patio entran pola esquerda e desde o patio xa continúan pola dereita. Se alguén quere saír do centro nese momento deberá agardar.

De ter que se producir un cruzamento, evitaremos sempre cruzarnos con alguén que circule na dirección contraria, agardando o que sexa necesario.

O uso do elevador queda limitado ás persoas que o precisen por motivos de mobilidade, debendo agardar a que os corredores estean despexados para circular sen cruzarse con outras persoas.

PROGRAMA DE MADRUGADORES

Seguirase o protocolo ordinario. Evitarase o consumo de alimentos nese momento e cambiarase de lugar,  a unha aula que permita a distancia entre o alumnado non inferior a 2 metros. Os asistentes non poderán compartir xoguetes, material escolar nin ter ningún tipo de contacto. Ao remate, para acceder ás aulas, seguirán o mesmo protocolo ca o resto do alumnado.

ACTIVIDADES EXTRAESCOLARES

As actividades extraescolares fóra da xornada lectiva dentro do recinto educativo, sexan organizadas pola ANPA, polo propio centro educativo ou por entidades alleas ao centro coas que se establece un convenio, contarán co seu propio protocolo de seguridade, que será anexado a este documento. Neste anexo detallaranse as medidas de prevención e protección fronte ao coronavirus, ademais de determinar con claridade as responsabilidades dos organizadores e xestores.

Terán en conta as seguintes premisas:

1.      Priorizarase, se é posible, a actividade online.

2.      As normas xerais no que se refire ao uso de máscara, hixiene de mans, distancia de seguridade... que se describen neste protocolo serán de cumprimento obrigatorio.

3.      Intentaremos non mesturar alumnado de diferentes cursos.

MEDIDAS ESPECÍFICAS PARA ED. INFANTIL E 1º E 2º  DE PRIMARIA

EDUCACIÓN INFANTIL / 1º E 2º CURSO DE PRIMARIA: METODOLOXÍA / USO DOS BAÑOS / USO DO MATERIAL / TRABALLO EN RECANTOS

1.      En 1º e 2º de Primaria o alumnado usará máscara sempre. En Infantil, o alumnado de 4 e 5 anos procurará usar máscara sempre. O alumnado de 3 anos usará máscara a maior parte do tempo que poida.  En xeral, só quitarán a máscara para merendar e procurando a distancia de 1’5 metros entre cada neno.

2.      Iniciarase a xornada con accións nas que se traballe a lembranza das normas de hixiene de xeito lúdico.

3.      Os dispensadores de xel nas aulas non serán accesibles sen supervisión do profesor, polo risco de que leven as mans á boca inmediatamente.

4.      Na aula traballarase mediante grupos dun máximo de 5 alumnos (preferiblemente sempre os mesmos) que se constituirán como subdivisións dos grupos estables de convivencia para mellorar a trazabilidade dos contactos. Os grupos traballarán  cun distanciamento físico de 1’5 metros respecto dos restantes grupos.

5.      Eliminaranse xoguetes e todo obxecto non estritamente necesarios. Só se poderán usar de xeito individual, garantindo a desinfección despois de cada uso. Outro tanto cabe dicir para o xogo en recantos.

6.      A merenda realizarase de xeito individual, a ser posible no patio exterior, co distanciamento necesario.

7.      Uso do baño: estritamente individual co código de semáforos (verde = libre, vermello = ocupado). Antes e despois de usar o baño o alumnado hixienizará as mans coa axuda das profesoras.

8.      Sempre que o clima o permita as profesoras intentarán pasar a maior cantidade de tempo posible fóra da aula, pero nunca poderán coincidir dous grupos simultaneamente.