EVOLUCIÓN DA SITUACIÓN SANITARIA

 



Despois duns días moi movidos, informamos de cal é, a día de hoxe,
a situación sanitaria no noso centro:

- En Secundaria temos 2 casos aínda activos que, con toda probabilidade, se incorporarán o luns ou o martes ao centro. Todo o alumnado en corentena deu negativo nas probas PCR, polo que, entre o luns e o martes se reintegrará na vida escolar con normalidade. Non se rexistrou ningún caso nos últimos 12 días.

- En Infantil temos 1 caso activo, xurdido, coma os anteriores, no ámbito familiar. Probablemente a semana que vén poderá reincorporarse á aula. Non houbo casos novos nos últimos 8 días.

- En Primaria temos 4 casos activos (oficialmente 3, pois un non foi notificado polo Centro de Seguimento). No día de onte levouse a cabo un cribado entre o alumnado con contacto máis estreito cos afectados. Estamos á espera dos resultados, pero todo parece indicar que, aínda que poida saír algún caso máis, a situación tende a estabilizarse e a controlarse (non houbo casos novos detectados desde principios desta semana).

En resumo, en Secundaria e Infantil a situación parece que se vai normalizar de maneira inmediata. En Primaria confiamos en estar nunha situación análoga cara ao final da semana que vén. Da evolución de todo isto manteremos puntualmente informada a toda a Comunidade Educativa. 

Lembremos: máscara, distancia, ventilación, xel!

Leer más...

12 DE NOVEMBRO: A NOSA FESTA

 


FELICIDADES A TODA A FAMILIA DO DIVINO MAESTRO DE LUGO, 
DE TODOS OS NOSOS COLEXIOS E COMUNIDADES DE ESPAÑA , AMÉRICA E ÁFRICA

Nos momentos difíciles e duros é bo contar cos teus, coa túa xente. Estamos vivindo tempos complicados, pero é un pracer estar ao lado dos profes, do alumnado e das nais, pais e avós que nos acompañan nesta viaxe.
Sairemos adiante e virán tempos mellores: o Divino Maestro impulsa a nosa nave e danos folgos para continuar. 
QUE TODOS TEÑAMOS UN BO DÍA!

Leer más...

FESTA DO DIVINO MAESTRO

 A pesar da crise sanitaria, dos positivos, de todos os problemas...

mañá estamos de festa!


Leer más...

SITUACIÓN COVID NO CENTRO

 


Informamos da situación sanitaria no noso centro no que ten ver coa pandemia Covid19:

A día de hoxe temos un profesor e tres alumnos contaxiados, todos de diferentes cursos e sen relación entre os diversos casos. Algún destes alumnos xa está a piques de se reincorporar ao colexio. Todos evolucionan moi favorablemente ou son asintomáticos.

É posible que nos próximos días aumenten estas cifras, dado que hai alumnado á espera de PCR ou agardando resultados. É posible que a prensa reflicta outros datos, pois seguen contabilizando casos xa dados de alta e algún dos actuais foi, inexplicablemente, notificado por duplicado.

Polo momento toca manter a calma, extremar as precaucións e estar alerta ante calquera síntoma que puideramos detectar. 

Leer más...

FESTA DO DIVINO MAESTRO

 

Benqueridas familias:

Un ano máis  achégase o 12 de novembro, unha data certamente especial para toda a nosa comunidade educativa: a festividade do DIVINO MAESTRO. Chega unha xornada agardada por todos, que celebramos e sentimos especialmente e na que colexio se viste de festa.

Neste curso tan diferente, tan frío nalgúns aspectos, a nosa principal prioridade é asegurarnos de que os nosos alumnos poidan, malia todo, disfrutar e vivir a nosa festa, a súa festa, garantindo en todo momento o cumprimento do protocolo sanitario marcado pola COVID-19.

Para a vosa tranquilidade, comunicámosvos que nas diversas dinámicas que levaremos a cabo, así como nas distintas celebracións e actividades varias, se manterán en todo momento os “grupos burbulla" establecidos. Así mesmo, as entradas e saídas do centro realizaranse de xeito graduado, tal e como se vén facendo dende comezos de curso. Haberá en todo momento ventilación cruzada e minimizarase a entrega de calquera tipo de material.

Debido a esta situación extraordinaria que nos toca vivir, tristemente, non poderemos celebrar a tradicional Eucaristía do Divino Maestro na nosa parroquia de San Antonio. Tampouco repartiremos as saborosas napolitanas, ni realizaremos xogos tradicionais no patio do colexio. Todo coa fin de garantir a seguridade de todos os membros da comunidade educativa.

Esperamos que todo o mundo entenda que estas medidas só buscan preservar a saúde de todos, alumnos, profesores, familias, PAS…

Así, o vindeiro XOVES 12, a comunidade educativa festexará o evento cun horario especial que vos facilitaremos a continuación:

Xuntos traballamos por darlle vida ao lema deste ano: “Tú lo llenas todo” e xuntos crearemos a escola, a familia do Divino Maestro.

 Con todo o noso afecto.

        A comunidade  e a  dirección do Colexio Divino Maestro.


                                                 FELIZ FESTA DO DIVINO MAESTRO


Leer más...

NOVOS CASOS DE COVID 19

 

Informamos a toda a comunidade educativa da existencia de dous novos casos de Covid 19 en alumnado do noso centro. Nos dous casos se trata de contaxios que con toda probabilidade se produciron en actividades alleas ao colexio. 
Os dous alumnos en cuestión levan varios días sen acudir ás aulas, polo que as posibilidades de contaxio son aínda menores, aínda que nada se pode descartar.

Unha vez máis, chamamos á tranquilidade e á responsabilidade ao alumnado, ás familias e mesmo ao profesorado. Coma sempre,  e aínda que as indicacións de Sanidade son contraditorias, actuaremos coa máxima prudencia e con total transparencia: Optaremos  polas medidas máis restritivas e pola maior cautela para tratar de preservar a saúde de todas e todos.
Máscara, ventilación, distancia, hixiene!








Leer más...