O día 14 de maio visitou o Divino Maestro o Irmán Kizito, que é o director do colexio de Primaria
do Arcebispo Dr. Joseph Día Kiwanuka en Nakirebe, a escola está situada nunha colina en Mpigi un
distrito de Uganda, preto de Kampala en África; alí están os nosos benqueridos:
Ambrose, Fred, Kajubi ... Pasou por todos os recunchos do cole. Díxonos que os
seus alumnos, son os mellores de Uganda
en varios deportes: Badminton, voleibol e fútbol.
Ensinounos un vídeo do seu colexio, puidemos observar como está por dentro,
a longa cola que se forma para ir ao baño, algunhas danzas tradicionais de
distintos pobos de Uganda.
O colexio ten máis de 1000 alumnos, algunhas clases acadan os 170
alumnos...algo inimaxinable entre nós
Todo esto lévanos a comparar as
duras condicións nas que alí se vive, tanto a nivel hixénico, como sanitario, escolar e alimentario.
Este colexio tamén proporciona un fogar para 175 nenos orfos, algúns
enfermos de SIDA e as súas condicións de vida e afectivas son muy difíciles.
Como ben sabedes recorreu Infantil, Primaria e algunhas clases de
Secundaria, pero parouse dun xeito especial, para facerse fotos cos de 3º de Primaria,
xa que foi a clase coa que estivo
Ambrose casi un ano e medio.
Tamén nos amosou un instrumento
típico de Uganda, como se tocaba e algunhas tradicións do seu país.
Agora grazas a ONG e amigos de “Cirujanos del Mundo”, teñen auga na porta
do colexio, algo que consideran un milagre, pois todos os nenos da escola debían
coller a súa garrafa e adentrarse na selva uns 10 km , para recoller a auga
que precisaban para o aseo, lavar a súa roupa e o seu propio consumo.
Foi unha visita moi especial para todos nós e pasámolo moi ben, pois
interactúo dun xeito marabilloso cos
alumnos dos distintos niveis.
Agora regresou de novo a Uganda, pero leva consigo moitas experiencias de
todo o que viu e disfrutou en varios coles de Lugo e en moitos lugares de Galicia.
É sempre unha mágoa cando alguén vén aquí e se ten que marchar de novo,
pero ao Irmán Kizito espérao unha labor inxente no seu cole, e sen dúbida é moi
feliz alí cos seus alumnos, os profes e os seus irmáns de comunidade.
¡Graciñas Irmán Kizito polo teu traballo e a túa alegría, que comunica vida!
Podedes atopar máis información en www.nakirebeps.educug.com