MANIFESTO NO DÍA ESCOLAR DA PAZ E A NON-VIOLENCIA
30 de xaneiro do 2 014
Na
Cidade de LUGO, onde vivimos e estudamos, onde nos divertimos e nos formamos
como persoas; alumnos e profesores do Colexio DIVINO MAESTRO, neste 30 de
xaneiro, celebramos O Día Escolar da Paz
e a Non Violencia do ano 2014.
Todo
este mes aparece nas nosas carteleiras este lema: CHÁMASME, INVÍTASME A SEMENTAR A PAZ. A nosa oración de cada mañá
tamén está entrelazada con mensaxes de paz cada día. Temos aquí unhas cordas e
nelas colocadas as nosas mensaxes de paz, que entre todos elaboramos.
Queremos con
este xesto expresar o noso desexo de paz para o mundo, pero tamén queremos ser a
voz de todos os nenos/as, mozos/as, que no mundo teñen que vivir calados porque
son vítimas da violencia, a inxustiza e a intolerancia.
Hoxe queremos que sexa o día de cada neno/a, mozo/a que
levantan a súa voz polos seus dereitos. Hai moitas persoas que non só falan de
dereitos humanos e de xustiza senón que loitan por conquerir que a paz e a
educación sexan verdadeiramente un dereito para todos.
Non podiamos esquecernos hoxe de lembrar a Malala, a
rapaza paquistaní de 16 anos vítima da violencia dos talibáns polo simple feito
de querer ir á escola. Ela ante as Nacións Unidas díxonos que: “UN MESTRE, UN NENO, UN LAPIS E UN LIBRO
PODEN CAMBIAR O MUNDO”. Nós unímonos a ese chamamento e pedimos a educación
para todos os nenos/as e mozos/as. Porque nós cremos na forza e no poder da
palabra ante as armas.
Tampouco queremos esquecernos da herdanza que nos deixou
Mandela, falecido o pasado decembro. Mandela díxonos que a mellor arma ante os
conflitos: É O PERDÓN E O DIÁLOGO.
Neste Día da Paz, os alumnos e profes do
“Divino Maestro” queremos: -Usar o diálogo en lugar da violencia.
-Colaborar para crear un mundo mellor.
-Respectar a todas as persoas, sexan distintas ou non.
-Perdoar, compartir e agradecer os esforzos que fan por nós.
-Axudar e tratar con igualdade a toda a xente.
Pero a paz empeza por NÓS. Por iso hoxe comprometémonos
como di o noso lema a ser: “SEMENTADORES
E CONTAXIADORES DE PAZ” nas nosas entornas: na familia, na escola, cos
amigos…
Pidámoslle a Xesús que pasou por este mundo facendo o ben
e sendo un home de paz, que nos faga construtores dun mundo máis humano e máis
fraterno.
GRAZAS A TODOS POR
COMPARTIR ESTE SENTIMENTO DE PAZ, QUE QUEREMOS NON SEXA UNHA UTOPÍA SENÓN UNHA
REALIDADE.
A
Paz, a solidariedade, a tolerancia e o respecto entre nós é unha necesidade.
O
desexo de paz no mundo e tamén o noso desexo: é que nos eduquemos cunha mente e
un corazón que sexan capaces de resolver a convivencia diaria sen ningún xénero
de violencia, dialogando entre nós.
Quixeramos que neste día tan fermoso e todos os días do ano, houbera:
harmonía, diálogo, respecto e tolerancia... nas nosas clases, no noso patio, no
noso cole, nos nosos fogares...
Manifestamos
o noso desacordo:
-Coa
violencia doméstica, o maltrato físico e psicolóxico.
-Co racismo.
Non está ben que fagamos distincións polo noso físico ou a nosa cultura. Todos
somos iguais.
- Cos
sentimentos que xeran o odio, o rancor, a envexa e a mentira, só nos fan ser
peores persoas.
Neste Día da Paz, os alumnos e profes do
“Divino Maestro” queremos:
-Usar o
diálogo en lugar da violencia.
-Colaborar
para crear un mundo mellor.
-Respectar a
todas as persoas, sexan distintas ou non.
-Perdoar,
compartir e agradecer os esforzos que fan por nós.
-Axudar e
tratar con igualdade a toda a xente.
Por iso, hoxe queremos renovar, unha
vez máis, o compromiso e a aposta pola PAZ, e así desde aquí dicirvos a todos
que non esquezamos que a PAZ construímola no día a día cada un de nós.
NÓS SÍ PODEMOS. AQUÍ E AGORA.