Recollida cheque material de 9:00 a 12:00, para aquelas familias q non o fixeron en xullo:
Xoves 3, para 1º e 2º de EP
Venres 4, para 3º e 4º de EP
Luns 7, para 5º e 6º de EP
Martes 8, para 1º e 2º da ESO
Mércores 9, para 3º e 4º da ESO
COMUNICADO
Benqueridos alumnos, familias, profesores e resto da comunidade educativa:
Diríxome a vós para comunicarvos que hoxe remata a miña etapa como Directora deste centro, ao que tanto cariño lle proceso. Por iso, quixera que estas últimas verbas de despedida fosen para expresar o meu profundo agradecemento a todos os membros da comunidade educativa especialmenteao meu equipo directivo: Antonio (XE), Dulce, Miguel, Olga (coordinadores de etapa) e Rubén (Acción Evanxelizadora); que prestaron o seu servizo con ilusión e esforzo para sacar adiante o proxecto educativo do centro.
Grazas á Institución e á comunidade de relixiosas de Lugo pola confianza depositada e pola entrega e apoio recibido ante as diferentes iniciativas levadas a cabo por este equipo ao longo destes anos. Tiven a sorte de traballar cun claustro de profesores comprometidos e ilusionados coa tarefa docente e co ideario e a identidade que os nosos fundadores, Francisco e Soledad, marcaron fai xa 75 anos.
Quero expresar tamén un agradecemento especial aos alumnos e ás familias pola acollida e agarimo que nos brindastes, e gustaríame destacar especialmente a vosa fortaleza neste final de curso tan convulso debido a situación sanitaria que nos tocou e nos sigue tocando vivir. Son consciente da vosa preocupación, sei que todos tedes o corazón e a cabeza posta en setembro, polo que quixera mandarvos unha mensaxe de tranquilidade porque, coma sempre, estamos a traballar para garantir a educación dos vosos fillos en condicións de máxima seguridade.
Tamén quero agradecer á ANPA a súa aportación á vida do centro e a súa labor e esforzo para axudar a crear “familia Divino Maestro”.
Aproveito para dar a benvida ao novo Equipo Directivo: Xosé Luís García Rodríguez (Director), Mª del Carmen Gómez Seijas (Xefa de Estudos), Rubén Cela Fernández (D. Acción Evanxelizadora) e Diego Domínguez Cabral (Administrador); ao cal apoiaremos e estaremos ao seu servizo para seguir facendo deste colexio un centro de calidade que EDUQUE dende o AMOR.
Contade sempre co meu apoio e cariño.
Recibide unha aperta fraternal. Deséxovos un bo comezo de curso!
Mónica González Carballo.
EXAMES DE SETEMBRO
Lembramos ao alumnado da ESO que os exames de setembro terán lugar os días 1 e 2 nos horarios xa comunicados.
Non se poderá acceder sen máscara nin prescindir dela en ningún momento.
Cadaquén levará o seu propio material de escritura.
Haberá controis de temperatura (non se poderá acceder con temperatura superior a 37´5°).
É obrigatorio hixienizar as mans á entrada e entre proba e proba.
Non se poderá permanecer no centro ao remate do exame.
As mesas e cadeiras serán desinfectadas entre cada proba.
Nos corredores, e na entrada circularase sempre pola dereita, subindo pola escaleira da ESO e baixando pola central.
GRAZAS a todas e todos pola colaboración.
Equipo Directivo
COMUNICADO
Ante as numerosas preguntas de distintas familias, queremos insistir: estamos traballando no protocolo a seguir nesta curso. O día 1 publicaremos na web un adianto das medidas máis salientables, que xa vos podemos dicir que serán o máis estritas que a lei permite. Nesa primeira semana, coas achegas da totalidade do claustro e da ANPA, remataremos o protocolo, que deberá ser aprobado pola Inspección Educativa.
Na semana do 7 ao 10 de
setembro, antes do comezo das clases será dado a coñecer a todas as
familias en reunións no centro, xa se indicará como e de que maneira.
Insistimos
na mensaxe de calma: faremos todo o que se poida facer para garantir a
saúde de todos. Pedimos un pouco de calma: cada cousa ten o seu tempo.
Estamos traballando.
Equipo Directivo
COMUNICADO
Prezadas familias,
Sabemos da
preocupación de toda a comunidade escolar ante as incertezas de cara ao
comezo do curso 2020/21. Queremos trasladarvos unha mensaxe de
tranquilidade e confianza, na medida do posible: un equipo de profes
estamos deseñando os protocolos que rexerán a vida no centro, seguindo
as instrucións marcadas pola Consellería de Educación, que aínda poden
variar antes do día 1 de setembro. A partir desa data, a través da
páxina web, das redes sociais e en reunións presenciais iremos
facéndovos chegar toda a información precisa.
En
todo caso, xa podemos comunicarvos que estamos a adquirir os materiais
necesarios e a implementar as medidas oportunas para que, dadas as
circunstancias, poidamos empezar as clases coa máxima normalidade e
seguridade posible. Espérannos meses difíciles e complicados. Coa
colaboración e a boa vontade de todos esperamos sacar o curso adiante.
Desde xa, grazas pola vosa confianza e axuda.
Equipo directivo
Suscribirse a:
Entradas (Atom)